Na današnji dan

Reklamni kutak

Kutak preporuke

Prijava / Registracija

Cel dan se puca, človek ogugla.
Zarasteš v grabi. Spuzel sem van.
Tam me je v kmici strefila kugla.
Ne bum ti došel na rodjendan.

Ne bum ti došel za devetstotu,
tu nemru nikaj ni ban ni kral.
Tak je v živlenju, kak i v belotu,
ne prejde navek to kaj si zval.

Tebe lepo ja pozdravlam,
moj prelepi Zagreb grad,
listek z neba ti pošilam
da te jako imam rad.

Lepo je v raju, samo, kak v reštu,
retko nas puste na onaj svet,
kak ne bi došel na tvoju festu,
tam je i moji dvadeset let.

Z menom je gore dost nasi dečki,
kaj ne bi feštu dali za niš,
mi bumo v nebu, makar skrivečki,
vu tvoj zdravle spili gemišt.

Tebe lepo ja pozdravlam,
moj prelepi Zagreb grad,
listek z neba ti pošilam
da te jako imam rad.

Pošli nam gore pušlek spomenka
z njim bi okitil dečkima stol.
Srčeko raspri ! Zakaj se krenkaš,
zakej si vesel samo na pol ?!

Ti si barem gorel, sit si vre rata,
ni včera zmislen Krvavi most,
odnesi sveću na gradska vrata,
tam je zapali. I to bu dost!

Drago Britvić

Tražilica

Humanitarni kutak

Internet stranica www.zagrebacki-kutak.hr upotrebljava kolačiće kako bi mogla pružati uslugu i funkcionalnosti koje ne bi bile moguće bez upotrebe kolačića. Posjetom ovoj stranci i nastavkom korištenja stranice pristajte na kolačiće.