Za mene je Zagreb tramvaj plavi
i racica mala, kaj pliva vu Savi.
za mnene je Zagreb labud v Jarunu,
i veslač mladi kaj vesla vu čunu.
Za mene je Zagreb na Splavnici cvetje
kumica s košarom na Dolcu v protuletje.
I zvon s katedrale, gda podne zazvoni
i v “Krašu” na Trgu friški bomboni.
V Manduševcu voda, golobeki beli,
kolporter glasni, kaj novine deli…
I vužgana sveća s Kamenitih vrata,
i Dora Krupićeva ” Zlatarevog zlata”
Štenge na “Štrosu” Matoš na klupi
I čistač na šetnici kaj listje kupi…
Na Zrinjevcu novi,drvored mladi,
najbolše zagorske štrukle v Esplanadi.
Cug kaj fučka glasno z Glavnog kolodvora,
Kralj Tomislav kaj nas pozdravla ozgora.
Za mene je Zagreb i plac na Britancu
i izlogi Ilice vu dugačkom lancu…
I ulica Vlaška i Ribnjak zeleni
Medveščak, Zvezda i Mirogoj sneni.
Meni je Zagreb moje gnezdo drago,
mog doma vrata i se moje blago
Za mene je Zagreb živlenja raj
i najslajši naš predragi KAJ.
Zato ti fala dragi moj grade,
za falaček sreće, za uslišane nade
Fala za mir i krov nad glavom,
vu krilu tvome pod zastavom plavom …
Tekst i foto:
Ružica Jukić
